చిలకలూరిపేట

H/O పురుషోత్తమపట్నం

Chilakaluripet | Single Source of Truth

Chilakaluripet

Single Source of Truth

అనిశా వలలో దేవాదాయ శాఖ డిప్యూటీ కమిషనర్‌

రూ.40కోట్ల వరకు ఆదాయానికి మించిన ఆస్తుల గుర్తింపు

శ్రీశైలంలో ఈవోగా పని చేసిన దేవాదాయ శాఖ డిప్యూటీ కమిషనర్‌ కంచర్ల విజయసాగర్‌బాబు నివాసంలో గురువారం అనిశా (అవినీతి నిరోధక శాఖ) అధికారులు దాడులు నిర్వహించారు. రూ.40 కోట్ల వరకు ఆదాయానికి మించిన ఆస్తులున్నట్టు గుర్తించారు. మరో మూడు లాకర్లు ఉన్నాయని వాటిని తెరిస్తే మరిన్ని ఆస్తులు వెలుగు చూసే అవకాశం ఉందని తెలిపారు. గుంటూరు జిల్లా మాచర్ల మండలం చింతలతండా గ్రామానికి చెందిన విజయసాగర్‌బాబు దేవాదాయశాఖలో 1987లో టైపిస్ట్‌గా ఉద్యోగంలో చేరారు. గుంటూరు, కర్నూలు, ప్రకాశం జిల్లాలోని పలుచోట్ల వివిధ బాధ్యతలను నిర్వర్తించారు. చివరిగా పదోన్నతిపై శ్రీశైలం ఈవోగా పని చేశారు. ఆయనపై అవినీతి ఆరోపణలు రావడంతో ప్రభుత్వం బాధ్యతల నుంచి తప్పించింది. అవినీతి నిరోధక శాఖ డీఎస్పీ ఎ.రమాదేవి నేతృత్వంలో గురువారం ఒకేసారి ఏడు చోట్ల దాడులు చేశారు.

శ్రీశైలంలోని అతని స్నేహితుడు ఇల్లు, విజయవాడ, నున్న గ్రామంలోని మూడు చోట్ల, ఏలూరులోని కొవ్వలి గ్రామంలోని బంధువుల ఇళ్లు, ముస్తాబాదులోని ఆయన అత్తగారి ఇల్లు, విజయవాడ గ్రామీణ మండలం నున్నలోని మహేశ్వరి హైప్స్‌లో ఆయన నివసిస్తున్న ఫ్లాట్‌లో సోదాలు చేశారు. నున్న, ముస్తాబాదు, పరిటాల, సూరంపల్లి ప్రాంతాల్లో ఆరు ఇళ్ల స్థలాలు, నున్నలోని మహేశ్వరీ టవర్స్‌లో రెండు ఫ్లాట్లు, ఒక దుకాణం, అజిత్‌సింగ్‌ నగర్‌లోని జి+1 ఇల్లు, గన్నవరంలోని ముస్తాబాదు వద్ద రెండెకరాల పొలం, అరకేజీ బంగారం, కేజీ వెండి, రూ.1.40 లక్షల నగదు లభించాయి. నున్న, గుంటూరు ప్రాంతాల్లో మూడు బ్యాంకుల్లో లాకర్లు ఉన్నట్లు నిర్ధారించారు. దాడుల్లో రూ.40 కోట్లు వరకు ఆదాయానికి మించి ఆస్తులున్నట్లు గుర్తించారు. ఇంకా విచారణ చేస్తున్నట్టు తెలిపారు. ఈ దాడుల్లో మరో డీఎస్పీ షకీలాభాను, ఇన్‌స్పెక్టర్లు సుదర్శన్‌రెడ్డి, గఫూర్‌ తదితరులు పాల్గొన్నారు.

లంచాధికారికి ఓ బాలుడి గుణపాఠం.. భిక్షాటనతో వినూత్న నిరసన

లంచం డిమాండ్ చేసిన ఓ అధికారికి ఆ బాలుడు బాగా బుద్ధి చెప్పాడు. తమిళనాడుకు చెందిన అజిత్ కుమార్ తండ్రి రైతు. గత ఏడాది ఫిబ్రవరిలో కిడ్నీ వ్యాధితో ఆయన చనిపోయారు. ప్రభుత్వం అందించే పరిహారం కోసం నాటి నుంచి ఆమె తల్లి అధికారుల కాళ్ళ చుట్టూ తిరుగుతోంది. దరఖాస్తు సమయంలో మూడు వేలు లంచంగా ఇచ్చింది. ఆ కుటుంబానికి మంజూరైన రూ.12,500 ఇచ్చేందుకు వీఏవో ఎం.కున్నతూర్ రూ.3,000 లంచం డిమాండ్ చేశాడు. దీన్ని నిరసిస్తూ ఆ పేద రైతు కుమారుడు అజిత్ కుమార్ లంచం డబ్బుల కోసం వినూత్నంగా భిక్షాటన చేశాడు. ఆ గ్రామస్తులు కూడా వీఏవో అవినీతిపై మండిపడ్డారు. ఈ విషయం అధికారుల దృష్టి రావడంతో శనివారం అతడ్ని సస్పెండ్ చేశారు. ఆ కుటుంబానికి అందాల్సిన పరిహారాన్ని వారి బ్యాంకు ఖాతాలో సోమవారం జమ చేశారు.

రూ.44.28 కోట్లకు లెక్కలు లేవు

డాది నుంచి విజయవాడ కేంద్రంగానే ముఖ్యమంత్రి ఉండి అన్ని సమీక్షలు చేస్తున్నారు. దీనిలో భాగంగా విద్యాశాఖకు సంబంధించిన సమీక్షలు, మంత్రి, మంత్రి సిబ్బంది హోటళ్ల ఖర్చుల పేరుతో కృష్ణాజిల్లాలో బాగా ఖర్చు రాసినట్లు సర్వశిక్ష అభియాన్‌ ఉన్నతాధికారులు అనుమానిస్తున్నారు. మంత్రి విజయవాడలో లేని సమయంలో కూడా ఆయన పేరుతో హోటళ్లకు బిల్లులు చెల్లించినట్లు తెలిసింది. ఈ అక్రమాన్ని గుర్తించిన సర్వశిక్ష అభియాన్‌ ఉన్నతాధికారులు రోజుల తరబడి ఒకేసారి హోటల్‌ గదులు బుకింగ్‌ చేయవద్దని మంత్రి వచ్చినప్పుడే ఇలా చేయాలని ఆయన సిబ్బంది.. ఇతరులు ఉండటానికి ఎందుకు గదులు బుకింగ్‌ చేశారని అక్షింతలు వేయటంతో ఇటీవల విజయవాడలో ఒక హోటల్‌లో శాశ్వతంగా పెట్టిన గదిని అప్పటికప్పుడు ఖాళీ చేసినట్లు తెలిసింది. గుంటూరు జిల్లాలో ఒప్పంద ఉద్యోగులకు అనేక మందికి ముందస్తు జీతాలు, అడ్వాన్సులు ఇచ్చినట్లు చెబుతున్��ారు. ఈ జిల్లాలో కూడా మేనేజ్‌మెంట్‌ఖాతాలో పరిమితికి మించి నగదు వాడినట్లు గుర్తించి తప్పుబట్టారు.

జూట్‌మిల్లు రిజిస్ట్రేషన్‌ అధికారి లంచంపై ఏసీబీ దృష్టి

గుంటూరు నగరం నడిబొడ్డున ఉన్న భజరంగ జూట్‌మిల్లు రిజిస్ట్రేషన్‌ వ్యవహారం అనేక మలుపులు తిరుగుతోంది. దీన్ని రిజిస్ట్రేషన్‌ చేయటానికి అధికారి పెద్ద మొత్తంలో లంచం ఆశిస్తున్నారని, ఆ ముడుపులు ఇవ్వనందువల్లే దాన్ని రిజిస్ట్రేషన్‌ చేయటం లేదని ఇటీవల అవినీతి నిరోధకశాఖకు ఫిర్యాదు వెళ్లింది. ఇప్పుడు ఏసీబీ విచారణకు సిద్ధమవుతోంది.

అనిశా వలలో సబ్‌ రిజిస్ట్రారు

లంచం పుచ్చుకొంటున్న పిట్టలవానిపాలెం సబ్‌ రిజిస్ట్రారును అవినీతి నిరోధక శాఖ(అనిశా) అధికారులు శనివారం పట్టుకున్నారు. అదెలాగంటే.. మండల కేంద్రమైన నిజాంపట్నానికి చెందిన చెన్ను విజయరామరాజు ఇల్లు నిర్మించుకునేందుకు రుణం కావాలని బాపట్ల బ్యాంకులో దరఖాస్తు చేసుకున్నారు. దీనికి బ్యాంకు అధికారులు ఆయన తండ్రి నాగేశ్వరరావు పేరు మీద ఉన్న స్థలాన్ని తనఖా రిజిస్ట్రేషను చేయించాలని కోరగా శుక్రవారం పిట్టలవానిపాలెం మండల కేంద్రంలో ఉన్న స¾బ్‌ రిజిస్ట్రారు కార్యాలయానికి వెళ్లి అధికారి లక్ష్మీనారాయణను కలిశారు. దాంతో స్థలం విలువ రూ.7 లక్షలు ఉన్నందున రూ.లక్షకు వెయ్యి చొప్పున రూ.7 వేలు లంచంగా ఇవ్వాలని డిమాండ్‌ చేశాడు. అంత ఇవ్వలేననడంతో రూ.5 వేలకు ఒప్పుకున్నాడు. శనివారం డబ్బులు ఇస్తానని వచ్చేసిన బాధితుడు గుంటూరు వెళ్లి అనిశా అధికారులను కలిశారు. శనివారం మధ్యాహ్నం 2 గంటల సమయంలో సబ్‌ రిజిస్ట్రారు కార్యాలయానికి వెళ్లి లక్ష్మీనారాయణకు రూ.5 వేలు ఇస్తుండగా అనిశా అధికారులు దాడి చేశారు. వెంటనే నగదు స్వాధీనం చేసుకున్న వారు సబ్‌ రిజిస్ట్రారు చేతులను ద్రావకంలో ముంచగా ఎర్రగా మారడంతో అరెస్టు చేశారు. అనిశా డీఎస్పీ సీహెచ్‌.డి.సాంతో, సీఐ నరసింహారెడ్డి, సిబ్బంది పాల్గొన్నారు.

సమాచారం అందించండి : సాంతో, డీఎస్పీ 
అధికారులు ఎవరైనా లంచం అడిగితే వెంటనే మాకు సమాచారం అందించవచ్చు. సమాచారం ఇచ్చిన వారి పేరు గోప్యంగా ఉంచుతాం. ప్రభుత్వాధికారులు లంచం అడిగితే 9491305638, 9440446165 నెంబర్లకు సమాచారం ఇవ్వవచ్చు.

ఎంత ప్రాధేయపడ్డా వినలేదు 

మాది పేద కుటుంబం. ఇల్లు నిర్మించుకునేందుకు రుణానికి దరఖాస్తు చేసుకున్నా. తనఖా రిజిస్ట్రేషను కోసం సబ్‌ రిజిస్ట్రారు లంచం అడిగారు. డబ్బు లేకే కదా రుణం తీసుకుంటున్నానంటూ ఎంత ప్రాధేయపడినా వినలేదు. చివరికి రూ.5 వేలకు ఒప్పుకున్నారు. ఏం చేయాలో తోచలేదు. ఇంతలో అనిశా గుర్తొచ్చింది. వాళ్లను ఆశ్రయించాను. మంచి పని చేశానని తృప్తిగా ఉంది.

బాలుర గురుకుల పాఠశాల(ఆంగ్లబోధన)ను మంగళవారం ఆయన ప్రారంభించిన : మంత్రి ప్రత్తిపాటి పుల్లారావు

చిలకలూరిపేటలో నూతనంగా ఏర్పాటు చేసిన ఆంధ్రప్రదేశ్‌ బాలుర గురుకుల పాఠశాల(ఆంగ్లబోధన)ను మంగళవారం ఆయన ప్రారంభించారు. తాడికొండలో ఉన్న రెండు గురుకుల పాఠశాలల్లో ఒకదానిని చిలకలూరిపేటలో ఏర్పాటు చేసేందుకు అవకాశం కల్పించిన మానవ వనరుల శాఖామంత్రి గంటా శ్రీనివాసరావుకు ప్రత్తిపాటి కృతజ్ఞతలు తెలిపారు.

చికలకలూరిపేట వీఆర్వో పదవి విరమణ కార్యక్రమంలో పాల్గొన్న వ్యవసాయశాఖ మంత్రి శ్రీ ప్రత్తిపాటి పుల్లారావు గారు.

చికలకలూరిపేట వీఆర్వో పదవి విరమణ కార్యక్రమంలో పాల్గొన్న వ్యవసాయశాఖ మంత్రి శ్రీ ప్రత్తిపాటి పుల్లారావు గారు.


సీఎం సహాయ నిధి

చిలకలూరిపేట నియోజకవర్గంలో 14 మందికి 11,84,960 లక్షల రూపాయల సీఎం సహాయ నిధి అందజేసిన వ్యవసాయశాఖ మంత్రి శ్రీ ప్రత్తిపాటి పుల్లారావు గారు.

క్యారమ్స్ పోటీలను ప్రారంభించిన మంత్రి శ్రీ ప్రత్తిపాటి పుల్లారావు

ఈ రోజు చిలకలూరిపేట సి.ఆర్ క్లబ్ లో సౌత్ జోన్ క్యారమ్స్ పోటీలను ప్రారంభించిన వ్యవసాయశాఖ మంత్రి శ్రీ ప్రత్తిపాటి పుల్లారావు గారు.

మంత్రి శ్రీ ప్రత్తిపాటి పుల్లారావు గారితో సమావేశమైన ఇస్కాన్ టెంపులు ప్రతినిధులు

నరసరావుపేటలో అంతర్జాతీయ శ్రీకృష్ణచైతన్య సంఘం ఆధ్వర్యంలో నడుపుతున్న శ్రీశ్రీ రాదాగోవింద చంద్ర మందిరంలో ఆగష్టు 24 నుంచి 26 వరకు జరగనున్న శ్రీ కృష్ణ జన్మాష్టమి వేడుకలకు హాజరవ్వాల్సిందిగా ఇస్కాన్ ప్రతినిధులు మంత్రి శ్రీ ప్రత్తిపాటి పుల్లారావు గారిని కోరారు.

వన భారతి...జనహారతి

వ్యవసాయశాఖ మంత్రి శ్రీ ప్రత్తిపాటి పుల్లారావు గారి ఆధ్వర్యంలో చిలకలూరి పేట నియోజకవర్గంలో శనివారం నాడు ‘ఈనాడు’ ‘ఈటీవీ-ఆంధ్రప్రదేశ్’ చేపట్టిన ‘వన భారతి...జనహారతి’ స్పూర్తితో ఒకే రోజు 2.50 లక్షల మొక్కలు నాటి రాష్ట్రంలోనే చిలకలూరిపేట రికార్డు సాధించి ప్రథమ స్థానంలో నిలిచినందుకు నియోజకవర్గ ప్రజలకు, ఇందులో భాగస్వాములైన అందరికి మంత్రి పుల్లారావు గారు అభినందనలు తెలిపారు.

చిలకలూరిపేటలో రోజు మార్చి రోజు నీళ్లు

పట్టణంలో ఇప్పటికే రోజు మార్చి రోజు తాగునీరు ఇస్తున్నారు. ఇదే విధానం కొనసాగిస్తే మరో నెల రోజులు మాత్రమే నీరు సరఫరా చేయగలరు. 1.02 లక్షల జనాభా ఉన్న పట్టణంలో 14 వేల కుళాయిలున్నాయి. రోజుకు 45 ట్రిప్పుల నీరు ట్యాంకర్ల ద్వారా పంపుతున్నారు. దీంతో చిలకలూరిపేటకు తాగునీటి సమస్య చుట్టు ముట్టబోతుంది.

‘పోలీసు వెట్టిచాకిరీ’పై విచారణ

హోంగార్డులతో రంగారెడ్డి జిల్లాకు చెందిన ఓ పోలీస్‌ ఉన్నతాధికారి వెట్టిచాకిరీ చేయించడం పోలీసు వర్గాల్లో తీవ్ర చర్చనీయాంశమైంది. ప్రభుత్వ వర్గాలు, ఉన్నతాధికారులు ఈ విషయంపై ఆరా తీస్తున్నారు. దీనిపై సోమవారం పూర్తి వివరాలు సేకరించి నిర్ణయం తీసుకుంటామని ఇన్‌ఛార్జి డీజీపీ అంజనీకుమార్‌ తెలిపారు. ఆర్డర్లీ వ్యవస్థను అధికారికంగా రద్దు చేసినప్పటికీ కొందరు అధికారులు గుట్టు చప్పుడు కాకుండా హోంగార్డులతో ఇంటి పనులు చేయిస్తున్నట్లు సమాచారం.

వెట్టిచాకిరీ వార్త అవాస్తవం!
హోంగార్డులతో వెట్టిచాకిరీ వార్త అవాస్తవమని రంగారెడ్డి జిల్లా ఎస్పీ నవీన్‌కుమార్‌ అన్నారు. శనివారం ఆయన మాట్లాడుతూ.. విధి నిర్వహణ సక్రమంగా నిర్వహించమన్నందుకే తనపై కుట్ర చేశారని ఆరోపించారు. తాను సెలవులో ఉన్న సమయంలో క్యాంపు ఆఫీసులో ఆ దృశ్యాలు చిత్రీకరించారని తెలిపారు. దీని వెనుక అదనపు ఎస్పీ వెంకటస్వామి, సీసీ మహేశ్‌ల హస్తం ఉందని ఆరోపించారు. గతంలో తాను పశువైద్యాధికారిగా పనిచేశానని, పశువులు, పక్షులపై ప్రేమతో వాటిని ఇంట్లో పెంచుకుంటున్నానని తెలిపారు. చిత్రీకరణ ఘటనపై విచారణ ప్రారంభించామని త్వరలోనే నిరూపిస్తామని ఎస్పీ స్పష్టం చేశారు.

ఏసీబీకి దొరికిన అధికారులు ఎక్కువ కాలం ఇక్కడే పనిచేశారు

ఎక్కువ కాలం ఇక్కడే పోస్టింగ్
గతంలో గుంటూరులో ఆర్టీఓగా పని చేస్తూ ఏసీబీ అధికారులకు పట్టుబడిన బ్రహ్మానందరెడ్డి జిల్లాలో 5 ఏళ్లుకు పైగా పని చేశారు. నెల్లూరులో ఆర్టీఓగా పని చేసిన జనార్దనశెట్టి కూడా 7 ఏళ్లు సూపరింటెండెండ్, ఆర్టీఓ హోదాల్లో పని చేశారు. ఇటీవల కాకినాడ ఉపరవాణా కమిషనర్‌గా పనిచేస్తూ ఏసీబీ అధికారులకు పట్టుబడి మోహన్ 6 ఏళ్లు నెల్లూరులోనే డీటీసీగా పని చేశారు. గుంటూరులో ఎంవీఐగా పని చేస్తూ శుక్రవారం ఏసీబీ అధికారులుకు పట్టుబడిన సుధాకరరెడ్డి జిల్లాలో పదేళ్లు పాటు వివిధ ప్రాంతాల్లో పని చేశారు. జిల్లాలో ఎక్కువ కాలం పనిచేసిన వారిపై ఏసీబీ అధికారులు దృష్టి సారించడం గమనార్హం.

నెలకు రూ.20 లక్షలకు పైగా అనధికార ఆదాయం
ఓవర్ లోడ్లు, కార్యాలయంలో జరిగే లావాదేవీలు కలిపి నెలకు రూ.20 లక్షలకు పైగా అనధికార ఆదాయయం వస్తుందని ప్రచారం జరుగుతుంది. గ్రానైట్, సిలికా, ఇసుక, సున్నపురాయి, గ్రావెల్, బొగ్గు, ఇనుము తదితర సామగ్రి అధిక లోడుతోనే రావాణా అవుతాయని చెబుతున్నారు. వీటికి సంబంధించి ఒక్కో లారీకి రూ. 1000 నుంచి రూ.1200 ఒక్కో అధికారికి ఇచ్చుకోవాల్సి ఉంది. జిల్లాలో రవాణా కార్యాలయాల్లో జరిగే లెసైన్స్, ఎఫ��‌సీ, పర్మిట్, ట్రాన్స్‌ఫర్లు, రిజిస్ట్రేషన్లు తదితర వాటిల్లో జరిగే లావాదేవీలకు ప్రభుత్వ చలానా కంటే ఐదారు రెట్లు అధిక మొత్తంలో లంచంగా పుచ్చుకోవాల్సి వస్తుందంటున్నారు.


చెక్‌పోస్టులోనూ..  
ప్రతి వాహనం చెక్‌పోస్టు ద్వారానే రవాణా చేయాల్సి ఉంది. నిబంధనలకు విరుద్ధంగా తిరుగుతున్న వాహనాలతో పాటు అన్ని రికార్డులు సక్రమంగా ఉన్నా.. చెక్‌పోస్టులో ఎంట్రీ ఫీజు చెల్లించుకోవాల్సిందే. అదేమని అడిగితే రాష్ డ్రైవింగ్, హైట్‌లోడ్, సౌండ్ పొల్యూషన్ పేరుతో కేసులు రాస్తామని బెదిరిస్తుంటారని లారీ యజమానులే వాపోతున్నారు. ఈ రీతిలో రవాణాశాఖకు 24 గంటల్లో రూ. 1.50 లక్షలు అనధికార మామూళ్లు వస్తాయని పలువురు చెబుతున్నారు. చెక్‌పోస్టులో పోస్టింగ్ ఇప్పించుకునేందుకు పలువురు పోటీ పడుతుంటారు.

Sleuths of the Anti-Corruption Bureau (ACB) conducted raids on the properties of Motor Vehicle Inspector Y. Sudhakar Reddy and reportedly seized property worth Rs. 2 crore disproportionate to his known sources of income, on Friday. The ACB raids continued at a building owned by Mr. Reddy in Magunta Layout area and also in some other places.

Documents relating to 65 acres of land spread over nine places in Nellore, Prakasam and other districts were among the material seized, it is learnt. Besides this, the MVI was found to have acquired 20 plots, two apartment flats and 1 kg gold. The ACB sleuths also seized Rs. 1.75 cash from the MVI’s possession. Searches were continuing during night also.


ఏసీబీ వలలో గుంటూరు ఎంవీఐ

ఆదాయానికి మించి ఆస్తులు కలిగి ఉన్నారన్న ఆరోపణలపై ఏసీబీ అధికారులు నెల్లూరు మాగుంట లేఅవుట్‌లోని బాలాజి క్లాసిక్‌ అపార్టుమెంట్‌లో నివాసముంటున్న గుంటూరు మోటారు వెహికల్‌ ఇన్‌స్పెక్టర్‌ ఎన్‌.ఎమ్‌. సుధాకర్‌రెడ్డి ఇంట్లో సోదాలు నిర్వహించారు. ఈ సందర్భంగా రూ. 2 కోట్ల విలువైన ఆస్తులు గుర్తించినట్లు ఒంగోలు ఏసీబీ ఇన్‌స్పెక్టర్‌ ప్రతాప్‌ కుమార్‌ వెల్లడించారు. ప్రకాశం, గుంటూరు, నెల్లూరు జిల్లాల్లో సుధాకర్‌రెడ్డి బంధువులు, స్నేహితుల పేర్లతో 65 ఎకరాల భూమి, 20 ఇళ్ల స్థలాలు, అపార్ట్‌మెంట్‌లో రెండు ఫ్లాట్లు ఉన్నట్లు గుర్తించారు.

‘రవాణా’లో తిమింగలం : ఎంవీఐ సుధాకరరెడ్డి ప్లాట్‌ సీజ్‌

రూ.20 కోట్లకు పైగా ఆస్తుల గుర్తింపు

జిల్లాలోని పలు ప్రాంతాల్లో 90 ఎకరాలకుపైగా భూములు..
22 చోట్ల ఇళ్ల స్థలాలు..
విలాసవంతమైన ప్లాట్లు..
బినామీల పేరుతో ఆస్తులు..
బ్యాంకుల్లో నగదు..
బంగారు ఆభరణాలు..

ఆదాయానికి మించి ఆస్తులు కలిగి ఉన్నారన్న ఆరోపణల నేపథ్యంలో గుంటూరు ఉపరవాణా శాఖ కార్యాలయంలో మోటార్‌ వెహికల్‌ ఇన్‌స్పెక్టర్‌ సుధాకరరెడ్డి ఆస్తులపై అవినీతి నిరోధక శాఖ అధికారులు శుక్రవారం దాడులు నిర్వహించడం రవాణాశాఖలో కలకలం రేగింది. సుధాకరరెడ్డి 1995లో రవాణా శాఖలో చేరారు. ఆయన నరసరావుపేటలో అసిస్టెంట్‌ మోటార్‌ వెహికల్‌ ఇన్‌స్పెక్టర్‌గా, తెనాలి, నెల్లూరు జిల్లాలోని వివిధ ప్రాంతాల్లో మోటార్‌ వెహికల్‌ ఇన్‌స్పెక్టర్‌గా విధులు నిర్వహించారు. గతేడాది ఆగస్టులో ఆయన బదిలీపై గుంటూరు రవాణాశాఖకు వచ్చారు. ఎంవీఐగా అప్పటి నుంచి ఆయన ఇక్కడే బాధ్యతలు నిర్వహిస్తున్నారు. జేకేసీ కళాశాల రోడ్డులోని ఎంపీ రెసిడెన్సీలో నివాసం ఉంటున్నారు. ఒంగోలు జిల్లా సుధాకరరెడ్డి జన్మస్థలం.

ఆయన ఆదాయానికి మించి ఆస్తులు కలిగి ఉన్నారని ఏసీబీ పోలీసులకు ఫిర్యాదులు వెళ్లడంతో గుంటూరు, నెల్లూరు, ప్రకాశం జిల్లాల్లో ఏకకాలంలో దాడులు నిర్వహించారు. ఆగస్ట్‌లో ఆయన కుమార్తె వివాహం ఉండటంతో ఈనెల 1 నుంచి సెలవు పెట్టి నెల్లూరుకు, ఇక్కడకు ప్రయాణం చేస్తున్నారు. ఆరో తేది వరకు సెలవులో ఉండటంతో గుంటూరులోని అపార్ట్‌మెంట్‌లో ఎవ్వరూ లేకపోవడంతో ఏసీబీ డీఎస్పీ దేవానంద్‌ శాంతన్‌ ఆధ్వర్యంలో పోలీసులు జేకేసీ నగర్‌లోని అపార్ట్‌మెంట్‌ వద్దకు చేరుకుని ఆయన నివాసం ఉంటున్న 201 ప్లాట్‌ను సీజ్‌ చేశారు.

ఎంవీఐ సుధాకరరెడ్డి ఆస్తులపై ఏసీబీ అధికారులు దాడులు నిర్వహిస్తున్నారని సమాచారం అందగానే ఆ శాఖ ఉద్యోగుల్లో కలకలం రేగింది. కార్యాలయంపై ఏసీబీ అధికారులు దాడులు నిర్వహిస్తారోనని ఆందోళన చెందారు.

కార్యాలయం ఎదురుగా ఉన్న ఏజెంట్ల దుకాణాలన్నీ మూతపడ్డాయి. ఏజెంట్లను ఎవ్వరినీ కార్యాలయం పరిసరాల్లోకి అడుగు పెట్టనివ్వకుండా కట్టుదిట్టమైన చర్యలు తీసుకున్నారు. మామూలు రోజుల్లో, గుంటూరు ఉపరవాణా శాఖ కమిషనర్‌ రాజారత్నం సెలవులో ఉన్న సమయంలో, ఆయన క్యాంప్‌పై వేరే ప్రాంతానికి వెళ్లినా ఏజెంట్ల దుకాణాలు తెరుచుకుంటాయి. దుకాణాల ముందు దళారులు కోలాహలంగా ఉంటుంది. ఏజెంట్లు, దళారులు ఎవరికి వారు నేరుగా కార్యాలయంలో వెళ్లి పనులను చక్కబెట్టుకుని వస్తుంటారు. ఏసీబీ దాడులకు శుక్రవారం ఎక్కడివారు అక్కడ తమ కార్యకలాపాలకు స్వస్తి పలికి మిన్నకుండిపోయారు.

పాత మార్కెట్‌ యార్డు షాపింగ్‌ కాంప్లెక్స్‌

  1. చిలకలూరిపేట పాత మార్కెట్‌ యార్డు ముందు భాగంలో రూ.71 లక్షలతో ఏర్పాటు చేయనున్న షాపింగ్‌ కాంప్లెక్స్‌ నిర్మాణ పూజా కార్యక్��మంలో మంత్రి ప్రత్తిపాటి పుల్లారావు పాల్గొని శిలాఫలకం ఆవిష్కరించారు.
  2. చిలకలూరిపేటలో రూ.31 లక్షతో భూసార పరీక్ష కేంద్రాన్ని ఏర్పాటు చేసినట్లు పేర్కొన్నారు.
  3. చిలకలూరిపేట మార్కెట్‌ యార్డు నిధులు రూ.24 లక్షలతో పండ్లు మాగబెట్టే గది నిర్మాణం,
  4. రూ.39లక్షలతో రైతు బజారు ఆధునికీకరణ పూర్తి చేశామన్నారు.
  5. రూ.89 లక్షలతో నూతన గోదాము
  6. రూ.4 కోట్లతో శీతల గిడ్డంగి, రూ.41 లక్షలతో గోదాముల మరమ్మతులు
  7. రూ.15లక్షలతో రైతు భవన మరమ్మతులు, రూ.2 కోట్లతో లింకురోడ్ల నిర్మాణం,
  8. రూ.11.5లక్షలతో ప్రవేశద్వారం నిర్మాణ పనులు చేపట్టబోతున్నట్లు వివరించారు.

పేట వాసులకు అమృత ధార

కేంద్ర ప్రభుత్వం ప్రవేశపెట్టిన అమృత్‌ పథకంలో పేట వాసుల దాహార్తి తీర్చేందుకు రూ.120 కోట్లు కేటాయించారు. రాష్ట్రంలోనే తొలిసారిగా చిలకలూరిపేట పురపాలక సంఘం ఈ పథకంలో నిధులను దక్కించుకుంది.

ఈ నిధులతో నకరికల్లు మండల పరిధిలోని గుంటూరు బ్రాంచ్‌ కెనాల్‌ నుంచి చిలకలూరిపేట తాగునీటి చెరువు వరకు 39 కి.మీ. మేర పైపులైన్‌ ఏర్పాటు చేయనున్నారు. 

పట్టణంలోని తూర్పుమాలపల్లి వద్ద ఓవర్‌హెడ్‌ ట్యాంక్‌, పేదలకు గృహాలు మంజూరు చేసిన 52 ఎకరాలలో మరో ఓవర్‌హెడ్‌ ట్యాంక్‌, నూతనంగా చెరువు ప్రాంతంలో ఫిల్టర్‌బెడ్‌, ప్రస్తుతం పండరీపురంలోని ఉన్న ఫిల్టర్‌బెడ్‌ ఆధునికీకరణ, పురపాలకసంఘ పరిధిలో శివారు ప్రాంతాలతో కలుపుకుని మొత్తం 70 కి.మీ. మేర అంతర్గత పైపులైన్‌ ఏర్పాటు చేయనున్నారు.

అందరూ ఆరోగ్యంగా ఉండేందుకే వైద్య శిబిరాలు

చిలకలూరిపేట స్వర్ణాంధ్ర ఫౌండేషన్‌ ఆధ్వర్యంలో మణిపాల్‌ ఆసుపత్రి సౌజన్యంతో ప్రత్తిపాటి గార్డెన్స్‌లో ఆదివారం 23వ ఉచిత మెకాళ్ల, కీళ్ల నొప్పుల వైద్య శిబిరం నిర్వహించారు.

ఈ నెల 23న చిలకలూరిపేటలో మెగా జాబ్‌మేళా నిర్వహిస్తామన్నారు. 70 కంపెనీల ప్రతినిధులు హాజరవుతారని ప్రత్తిపాటి వివరించారు. నిరుద్యోగ యువతీయువకులు ఈ జాబ్‌మేళాను సద్వినియోగం చేసుకోవాలని సూచించారు.

స్వర్ణాంధ్ర ఫౌండేషన్‌ కార్యదర్శి పేర్ని వీరనారాయణ అధ్యక్షత వహించిన కార్యక్రమంలో కాపు కార్పొరేషన్‌ ఛైర్మన్‌ చలంశెట్టి రామానుజయ, పురపాలకసంఘ ఛైర్‌పర్సన్‌ గంజి చెంచుకుమారి, భాష్యం రామకృష్ణ, కంచర్ల శ్రీనివాసరావు, లక్ష్మీ నర్సింగ్‌ స్కూల్‌ డైరెక్టర్‌ వడ్లమూడి రవీంద్ర, ఎస్పీ నారాయణ నాయక్‌, మణిపాల్‌ ఆసుపత్రి వైద్యులు జగదీశ్‌, సురేశ్‌ తదితరులు ప్రసంగించారు.

2,500 మందికి వైద్య పరీక్షలు
స్వర్ణాంధ్ర ఫౌండేషన్‌ ఆధ్వర్యంలో జరిగిన మెగా మోకాళ్ల, కీళ్ల నొప్పుల వైద్య శిబిరంలో 2,500 మంది వైద్య పరీక్షలు చేయించుకున్నారని ఫౌండేషన్‌ కార్యదర్శి పేర్ని వీరనారాయణ తెలిపారు. వీరిలో 630 మందిని ప్రాథమిక చికిత్స కోసం ఎంపిక చేశామన్నారు. అవసరమైనవారికి సీఎం రిలీఫ్‌ఫండ్‌ ద్వారా శస్త్రచికిత్సలు చేయిస్తామన్నారు.

చిలకలూరిపేట బైపాస్‌కు రూ.600 కోట్లు

  1. గణపవరం - మురికిపూడి వరకు 16.48 కి.మీ. నిర్మాణం (యడ్లపాడు మండలం తిమ్మాపురం నుంచి చిలకలూరిపేట మండలం కోనాయకుంట వరకు)
  2. వంతెనలు - మూడు ప్లైఓవర్లు, ఐదు చోట్ల అండర్‌పాస్‌లు
  3. 340 ఎకరాల భూసేకరణకు త్వరలో నోటిఫికేషన్
  4. వ్యయం - రూ.600 కోట్లు
  5. అధికారులతో చర్చించిన ఆర్‌అండ్‌బీ ప్రిన్సిపల్ సెక్రటరీ

రాష్ట్ర ప్రభుత్వం 25 శాతం నిధులు వెచ్చింపు
దేశంలో మొదటిసారి రాష్ట్ర ప్రభుత్వం 25 శాతం నిధులను రహదారి ఏర్పాటునకు అవసరమైన భూమి కొనుగోలుకు ఒప్పుకుంది. భూ సేకరణ విషయమై వచ్చే నెలలో ప్రకటన వెలువడే అవకాశం ఉంది. రైతుల నుంచి సేకరించే భూమికి పరిహారం మార్కెట్‌ ధర కంటే ఎక్కువగానే ఇచ్చే అవకాశం ఉన్నందున అభ్యంతరాలు ఉండకపోవచ్చని అధికారులు చెబుతున్నారు. రెండున్నర సంవత్సరాల వ్యవధిలో తిమ్మాపురం వద్ద నుంచి బొప్పూడి కోనాయికుంట వరకు ఉన్న 16.48 కి.మీ దూరం బైపాస్‌ రహదారి నిర్మాణం పూర్తవుతుందని జాతీయ రహదారుల నియంత్రణ సంస్థ అధికారులు వివరించారు. ఆ మేరకు కేంద్ర ప్రభుత్వం రహదారి నిర్మాణానికి రూ.600 కోట్ల నిధులు విడుదల చేసింది.


ఏళ్లుగా నలుగుతున్న చిలకలూరిపేట బైపాస్‌ నిర్మాణానికి మార్గం సుగమమైంది. రహదారి నిర్మాణానికి రూ.600 కోట్ల నిధులు ప్రభుత్వం మంజూరు చేసింది. యడ్లపాడు మండలం తిమ్మాపురం నుంచి చిలకలూరిపేట మండల బొప్పూడి కోనాయికుంట వరకు మొత్తం 16.48 కి.మీ మేర బైపాస్‌ నిర్మాణం చేపట్టనున్నారు. మూడు ఫ్లైఓవర్లు, 5 అండర్‌పాస్‌ వంతెనలుంటాయి. వీటితో పాటు గణపవరం వద్ద కుప్పగంజివాగుపై, పురుషోత్తమపట్నం సమీపంలో ఓగేరువాగుపై వంతెనలు కూడా ఏర్పాటు చేయనున్నారు.

గత ఫిబ్రవరిలో చిలకలూరిపేటకు కేంద్ర ప్రభుత్వం బైపాస్‌ వేసేందుకు నిర్ణయం తీసుకున్న విషయం తెలిసిందే. దేశంలో మొదటిసారి రాష్ట్ర ప్రభుత్వం 25 శాతం నిధులు బైపాస్‌ రహదారికి సంబంధించి భూమి కొనుగోలుకు అప్పట్లోనే ఒప్పందం జరిగింది. దీంతో కేంద్రం కూడా సానుకూలంగా స్పందించి రూ.600 కోట్లు బైపాస్‌ ఏర్పాటుకు నిధులు మంజూరు చేసింది. రైతులకు కూడా కొత్త భూసేకరణ చట్ట ప్రకారం పరిహారం అందించనున్నట్లు అధికారులు తెలిపారు. ఆ మేరకు బుధవారం గుంటూరులో ప్రభుత్వ ప్రత్యేక ముఖ్య కార్యదర్శి శ్యాంబాబు అధ���యక్షతన సమావేశం జరిగినట్లు చిలకలూరిపేట తహశీల్దార్‌ పీసీహెచ్‌ వెంకయ్య తెలిపారు. గుంటూరులో జరిగిన సమావేశంలో జిల్లా పాలనాధికారి కాంతిలాల్‌దండే, నరసరావుపేట ఆర్డీవో జి.రవీందర్‌, జాతీయ రహదారుల అభివృద్ధి సంస్థ అధికారులు పాల్గొన్నారు.

లంచం తీసుకుంటూ పట్టుబడ్డ వీఆర్వో

మాజీ సైనికోద్యోగి నుంచి లంచం తీసుకుంటూ వీఆర్వో ఒకరు ఏసీబీ అధికారులకు పట్టుబడ్డారు. ఈ ఘటన విజయనగరం జిల్లా గరివిడిలో సోమవారం చోటుచేసుకుంది. మండలంలోని ఏనుగువలస గ్రామానికి చెందిన వర్మ అనే మాజీ సైనికోద్యోగి తన భూమిని ఆన్‌లైన్‌లో నమోదు చేయటానికి వీఆర్వో వెంకటస్వామి చుట్టూ గత కొద్దిరోజులుగా తిరుగుతున్నారు.

వీఆర్వో మాత్రం రూ.5 వేలు ఇస్తేనే పని పూర్తి చేస్తానని పట్టుబట్టాడు. దీంతో వర్మ ఏసీబీ అధికారులకు ఉప్పందించారు. వారి సూచనల మేరకు సోమవారం తహశీల్దార్ కార్యాలయంలో వీఆర్వోకు లంచం డబ్బు అందజేస్తుండగా అక్కడే ఉన్న ఏసీబీ అధికారులు పట్టుకున్నారు. వీఆర్వోను అదుపులోకి తీసుకుని విచారిస్తున్నారు.

సేవా కార్యక్రమాలను విస్తృతపర్చాలి

సేవా కార్యక్రమాలను మరింత విస్తృతం చేయాలని వ్యవసాయ శాఖా మంత్రి ప్రత్తిపాటి పుల్లారావు పిలుపునిచ్చారు. బృందావన్‌ గార్డెన్స్‌లోని కమ్మజన సేవా సమితి సర్వసభ్య సమావేశం ఆదివారం జరిగింది. సేవా సమితి నూతన కార్యవర్గాన్ని ఏకగ్రీవంగా ఎన్నుకున్నారు. నూతన కార్యవర్గాన్ని మంత్రి పుల్లారావు ప్రకటించారు. సమితి అధ్యక్షుడిగా వంకాయలపాటి బలరామకృష్ణయ్య, కార్యదర్శిగా సామినేని కోటేశ్వరరావు, ఉపాధ్యక్షులుగా గోరంట్ల పున్నయ్య చౌదరి, పావులూరి కృష్ణకుమార్‌, కన్నెగంటి బుచ్చయ్యచౌదరి, సంయుక్త కార్యదర్శులుగా కావూరి రవించంద్ర, రాయని రమణ, కోశాధికారిగా వడ్లమూడి నాగేంద్రం, కో ఆష్షన్‌ సభ్యులుగా వడ్లమూడి శివరామకృష్ణయ్య, మర్రిపూడి సీతారామయ్య, మల్లెల హరీంద్రనాథ్‌ చౌదరి, గుంటుపల్లి కోటేశ్వరరావు, ప్రత్యేక ఆహ్వానితులుగా మరో ఏడుగురు ఎన్నికయ్యారు. ఈ సందర్భంగా మంత్రి పుల్లారావు మాట్లాడుతూ నూతన కార్యవర్గ సభ్యులు సేవా కార్యక్రమాలను విస్తృతం చేస్తూ కమ్మజన సేవా సమితి పేరు, ప్రతిష్ఠలను మరింతగా ఇనుమడింపజేయాలన్నారు. ఆర్థిక స్థోమత కారణంగా పేద విద్యార్థినుల చదువులు మధ్యలో నిలిచిపోరాదనే ఉద్దేశంతో వసతి గృహాన్ని నడుపుతున్న సభ్యులను అభినందించారు. రాష్ట్ర తెదేపా కార్యదర్శి మన్నవ సుబ్బారావు అధ్యక్షత వహించిన ఈ కార్యక్రమంలో పెదకూరపాడు ఎమ్మెల్యే కొమ్మాలపాటి శ్రీధర్‌, మాజీ ఎంపీ వై.వి.రావు, పారిశ్రామికవేత్త చేబ్రోలు నరేంద్రనాథ్‌, మాజీ ఎంపీ డాక్టర్‌ యలమంచలి శివాజీ, మాజీ ఎమ్మెల్సీ డాక్టర్‌ రాయపాటి శ్రీనివాస్‌, నాయకులు ఎన్‌.వి.వి.ఎ.వరప్రసాద్‌, వాసిరెడ్డి జయరామయ్య, చేబ్రోలు శ్రీనివాసరావు తదితరులు పాల్గొన్నారు.

విజిలెన్స్‌ అదనపు ఎస్పీగా శోభామంజరి

గుంటూరు విజిలెన్స్‌ అండ్‌ ఎన్‌ఫోర్సుమెంట్‌ అదనపు ఎస్పీగా శోభామంజరి శనివారం బాధ్యతలు స్వీకరించారు. ఇప్పటి వరకు ఇక్కడ పనిచేసిన ఎస్పీ కేవీ మోహన్‌రావు సీఐడీకి బదిలీ అయ్యారు. 1989 బ్యాచ్‌కు చెందిన శోభామంజరి విజయవాడ, ఏలూరు, పశ్చిమగోదావరిలో పనిచేశారు. 2006లో సీఐగా, 2014లో డీఎస్పీగా ఉద్యోగోన్నతి పొందారు. 2015లో అదనపు ఎస్పీగా ఉద్యోగోన్నతి కల్పించి గ్రామీణ నేర విభాగ ఏఎస్పీగా నియమించారు. ఇటీవల ఆమెను గుంటూరు విజిలెన్స్‌ అదనపు ఎస్పీగా నియమించారు. శనివారం గుంటూరులోని విజిలెన్స్‌ కార్యాలయానికి విచ్చేసిన ఆమెకు విజిలెన్స్‌ డీఎస్సీ రమణకుమార్‌, డీఈ కళ్యాణచక్రవర్తి, సూపరింటెండెంట్‌ గోపాల్‌, సీఐలు వంశీధర్‌, కిషోర్‌కుమార్‌, సిబ్బంది పుష్పగుచ్ఛం అందించి స్వాగతం పలికారు. విజిలెన్స్‌ ఏఎస్పీ బాధ్యతలు స్వీకరించిన సందర్భంగా శుభాకాంక్షలు తెలిపారు. ఈ సందర్భంగా ఏఎస్పీ శోభామంజరి మాట్లాడుతూ ఎలాంటి అక్రమాలైనా దృష్టికి వస్తే నిర్భయంగా తమ సెల్‌ నెంబర్‌ 80082 03288 కు ఫోన్‌ చేసి సమాచారం అందివ్వవచ్చన్నారు.